عن البنت

عن البنت اللي مجنونه

وواخده الدنيا ببساطه

عن البنت اللي لو زعلت

بتتحايل بشكولاته

عن البنت اللي يوميآ

تنام ومعيطه شويه

وتخرج تاني يوم تضحك

وتعمل نفسها قويه





عن البنت اللي بتعافر

ورغم جراحها بتكمل

ولو تعبت او اتجرحت

بتبدأ تاني م الأول

عن البنت اللي فرحتها

بتتلخص ف غزل بنات

وتعشق حضن صاحبتها

وبينهم من زمان حكايات

عن اللي ف روحها حنيه

وسكر قلبها زياده

ب 100 راجل ورقبتها

ف وقت الجد سداده

عن البنت اللي مش راضيه

مع الدنيا دي تتساهل

وشايله قلبها بحاله

لواحد بس يستاهل

عن البنت اللي مش عايزه

تعلق روحها ع الفاضي

عن البنت اللي لو سألوا

ف يوم ''مالك؟!'' تقول عادي

عن البنت اللي جواها

هموم ولكنها بتخفي

وضحكتها مبتبانشي

يادوب غير بس ف ال''سيلفي''

مصاحبه وجعها ودموعها

وقدام حد مبتبكيش

وواثقه ف ربنا جدآ

عن البنت اللي قادره تعيش !

تحميل

click to begin

1.2MB .zip