افتح باب قلبك

إفتح باب الفرحه فـ قلبك ..

طلع حزنك بدرى معاش ..

و أما الضحكه تقرب منك ..

خدها فـ حضنك متسيبهاش ..

و أما تسيبك هى و تبعد ..

سيبها تسيبك متلومهاش ..

لَوِن غيرها بسرعه فـ وشك ..

علشان جرحك ميطولهاش ..

و أما تحس بـ طعم الفرحه ..

بص لـ حلمك .. بص بـ قلبك ..

قرب منه ..

سيب الحلم يقرب منك ..

و إنسى ساعتها بـ إنه إتجاهلك ..

أو كان تاعبك أو مش فاكرك ..

وقت ما كنت ضعيف محتاجله ..

وقت ما حلمك كان مش قابلك ..

عيش اللحظه تملى و حاول ..

إنك دايماً متفوتهاش ..

و إوعاك تيجى فـ مره تصدق ..

إن أجمل يوم مجاش ..

حاول -تفرح 

تحميل

click to begin

1.2MB .zip