لو قالك معلش هسيبك ،
مكتوب إنك تبعدي عني
وبتستاهلي الأحسن مني
اعرفي إنه أكيد بيمثل
بيحور علي فكره عليكي
عايزك تبكي عليه بعينيكي
عامل نفسه -ياعيني-حنين
والواد موجوع مش بيبين
فيقولك : كان نفسي نكمل !
تفضلي جنبي ف عمري الجاي
شوف إزاي ؟
ده اللي يقول انا عندي ظروف
مبقاش ينفع
أو هبعد كام يوم كده وارجع
إعرفي إنه خلاص هيفارق
وإعرفي إنه ساعتها هيخلع !
- اه من فتره
من امتي ؟!
- بعمل مش فاكره
وبتفتكريه ؟!
- انا عمري أساسآ ما نسيته
طب سابك ليه ؟!
- علشان انا فعلآ حبيته
ازاي يعني ؟!
- جه عليا كتير .. ياما وجعني
كان بيحبك ؟!
- مقدرش اقول انه خدعني
اومال ليه غاب ؟!
- علشان مبقاش حضنه يساعني
ايه اكتر احساس بيضايقك ؟!
- انه ف غمضة عين ودعني
كسرك بعده ؟!
- بالعكس انا اقوي كتير بعده
ندمانه عليه ؟!
- مش بندم علي حد أذاني
هتحبي جديد ؟!
- لما اقدر احب ف يوم تاني
هتعيشي ازاي وانتي لوحدك ؟!
- انا عشت لغيري ومرتحتش .. دلوقتي بقيت عايشه عشاني !
