اعتذار واجب لقلبى
انى كنت بضحى بيه
وانى ياما جيت عليه
لاجل مااوصل للى عايزه
قلبى بيلم فى جوايزه
جايزة خدها وبجداره
شقت طريقه للنهار
بس مش جايزة شطاره
جايزة القلب الحمار
ومن هنا جه الاعتذار
مش هقولك حِب تانى
مش هقولك حُب تانى
حتى لو كان مين نادانى
حتى لو ابليس غوانى
انت فى ايديك القرار
ليك بقدم اعتذار
#اعتذار_واجب_لقلبى
الكلام اللى سمعته
حافظه صم
كل كلمه فيها قسوه
وسايبه هم
انت فاكر يعنى هنسى
هو انا انسى
كلمه قادت قلبى نار
ليك بقدم اعتذار
