حبي راجل ..
تقدري تأمنيه عليكي
يبقي اقرب حد ليكي
يوعدك ولا عمره يخلف
يحضنك ويعيش حاميكي
حبي راجل ..
يسندك لو يوم وقعتي
يبقي راحتك لو تعبتي
ترمي همك فوق كتافه
ترجعيله مهما غبتي
حبي راجل ..
عنده نخوه .. ودمه حامي
يرضي يستحمل عشانك
وقت حزنك يبقي فرحه
لو تخافي يكون أمانك
ضعف روحك جنبه قوه
يبقي شايف جوه جوه ..
اللي متداري ف قلبك
حبي راجل .
. يبقي صادق
وقت ما يقولك بحبك
يعشقك علي كل حال
يبقي عايزك ف الحلال
مستبيش قلبك موارب
تجرحه شوية عيال !!
