كلمة بحبك
كلمة بحِبك فى ذاتها إختبار مِش سَهل "
من سنين كتير حَبيت جِدا أقصد حبيت قوى وكُنت مُستعِد أبيع الدُنيا فى سبيل إنى أحافظ على الحُب ده كُنت بسهر طول الليل أكتبلها فى شِعر وكلام فى الشات عشان تِصحى تِقراه وتضحك لو ضِحكه بسيطه كُنت بتنطط مالفرحه لو شوفت اسمها عالشاشه صورتها وصوتها وضحكتها كانوا بالنسبالى اهم حاجه ف حياتى ....
سبنا بعض معرفش ليه بدون سبب واضح ممكن قوى تكون العلاقه كانت غلط منكرش ابدا انى بكيت عليها كتير وزعلت كتير بعدها بفتره مش كبيره بدأت أتعرف على واحده تانيه وقربنا من بعض فى الاول كنت خايف قوى اقولها انى بحبها او انطق الكلمه دى اصلا بس للاسف قولتهالها ويارتنى ما قولتها حسيت بعدها بشويه انى مش بقولها من قلبى حسيت انى بظلمها وهى اتعلقت بيا جامد مقدرتش افضل أخدعها ف بدأت افكر ابعد عنها وزعل دلوقت اهون من زعل بعدين وانها اكيد هتفهم ده بالفعل قولتلها اننا مش هنقدر نكمل مع بعض وقعدت فتره كبيره كأنها ميته وكنت بسأل علها من بعيد واخبارها مكانتش مطمنانى ابدأ وكنت بدعيلها ربنا يخفف عنها لحد ما بقت تمام واطمنت انها بقت تمام فضلت بقى من سنين كتير فاهم ان العلاقه حاجه مقدسه جدا حاجه كده مينفعش تبقى مُجرد كلام أو ننسى حد بحد والموضوع ده فاشل قوى عشان كِده ..
اتعودت من وقتها انى مش هاقول حاجه انا مِش حاسسها ومِش هقرب مِن حد بدرجه كبيره قوى وهسطح علاقاتى كُلها اهو عالأقل لو مش هحب حد يبقى محدش يحبنى وبعدين أأذيه
مش بعرف أقول كِلمة بحبك خالص ومِش جاهِز أنى أدخل عِلاقه أبدا لانى بخاف اجرح حد وبخاف اتجرح وبحاول دايما ابعد عن كُل الناس ومبحبش الكذب أبدا فى العِلاقات
أنا بخاف قوى من إنى أزعل حد أو أتسبب فى أذيته خلينى بعيد كده هفضل اضحك عادى جدا وهبقى مبسوط قوى كمان
عشان كِده عُمرى ما هنطق الكِلمة دى غير وانا واثق انى هكون قدها وهقدر اسعد الطَرف التانى وأكون له الشخص اللى يتباها بحُبه وإللى يقدر يخفف عنه أوجاعُه ويشيل عنه الهَم عاوز اكون قَد إمتلاك قَلب حد مِش مُجرد عِلاقه والسلام
أرجوكوا إحترموا الكِلمه دى قوى وحافظوا عليها عشان بدأ معناها يقل باللعب والهزار أرجوكوا إختارى النُص إللى يكملكوا إختاروا الشخص إللى مُستحيل تِكسروه وإللى مُستحيل يكسركوا
الحُب أعظم بكتير مِن لِعب العيال
وقتها حِبوا وقولوا للدنيا انكوا بتحبوا إمسكوا ايد بعض وبُصوا فى عين بعض كتير اقفلوا موبايلاتكوا لما تقعدوا مع بعض متخلوش الناس اللى بتعدى جمبكوا تلهيكوا عن الوقت ده او تسرق ثوانى من نظرتكوا دى لما تحبوا إستمتعوا بكل لحظه مع بعض....
كاتب في صمت باحث وكاتب في التنمية الذاتيه وعلم النفس مدون مصري أعشق التكنولوجيا و التدوين لأفيد الناس بما أعرف حتى لو كان ما أعرفه قليل
كريم لابان
